Plantun de Prouvènço

Pèr coumpara dos planto d'encò nostre

Linum trigynum & Xanthoselinum alsaticum subsp. alsaticum

Linum trigynum

Linaceae

Nom en français : Lin à trois styles.

Descripcioun :
Lin prim di pichòti flour jauno d'or que trachis dins li relarg séusous. Li fueio, tóutis alterno, soun en lanço. L'enflourejado es en pinceloun fla, emé lis entre-nous d'en bas 2 à 8 fes mai long que li flour. Coumpara emé lou lin-maritime que fai de flour mai grando (> 9 mm).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 3 à 60 cm
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Linum
Famiho : Linaceae

Ordre : Malpighiales

Coulour de la flour : Jauno
Petalo : 5
Ø (o loungour) flour : 5 à 8 mm
Flourido : Printèms - Estiéu

Sòu : Si
Autour basso e auto : 0 à 800 m
Aparado : Noun
Mai à setèmbre

Liò : Pelouso - Relarg à jóuinis aubret
Estànci : Termoumediterran à Coulinen
Couroulougi : Estenoumediterrano
Ref. sc. : Linum trigynum L., 1753

Fenoui(-d'Alsaço)

Xanthoselinum alsaticum subsp. alsaticum

Apiaceae Umbelliferae

Nom en français : Peucédan d'Alsace.

Descripcioun :
Aquéu fenoui-d'Alsaço dins la subsp. alsaticum èi pas gaire coumun au nostre. Trachis en aut de la valado dóu Rose proche Bouleno e peréu dins lis Aup dessouto 1500 m. Se recounèis à si fueio 3 à 5 cop divisado, sa cambo boutisso e si brout en estànci de long de la cambo. Lis oumbello fan de 6 à 25 rai. La varieta discolor en fotò fai de flour à petalo blanco au contro de la varieta alsaticum que soun jauno. Isto uno autro meno mai coumuno (subsp. venetum) que s'atrobo dóu coustat de Niço.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : 0,5 à 1,8(2,5) m
Fueio : coumpausado
Tipe bioulougico : Emicriptoufite
Cicle bioulougico : Planto renadivo

Gènre : Xanthoselinum
Famiho : Apiaceae
Famiho classico : Umbelliferae

Ordre : Apiales

Coulour de la flour : Blanco
Petalo : 5
Ø (o loungour) enflourejado : 4 à 10 cm
Flourido : Estiéu - Autouno

Sòu : Ca
Autour basso e auto : Pancaro entresigna
Aparado : Noun
Juliet à setèmbre

Liò : Ermas - Camin - Orle de bos - Sablo
Estànci : Mesoumediterran à Coulinen
Couroulougi : Éurasiatico
Ref. sc. : Xanthoselinum alsaticum subsp. alsaticum (L.) Schur, 1866 (= Peucedanum alsaticum L., 1762 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Linum trigynum & Xanthoselinum alsaticum subsp. alsaticum

ges

Coumpara Lin(-di-tres-estile) emé uno autro planto

Coumpara Fenoui(-d'Alsaço) emé uno autro planto